fbpx

Karantina me Ngjyra

Ngjyra është një album-ekspozitë virtuale e krijuar për të promovuar krijimet artistike të të gjithë atyre që kohën gjatë izolimit kanë vendosur ta kalojnë duke dërguar punime të ndryshme artistike. Ndër të tjerash, projekti Karantina me Ngjyra ka për qëllim të rritë vetëdijësimin ndaj përparësive që vijnë nga terapia përmes artit e cila ndihmon në mirëqenien e përgjithshme emocionale dhe psikologjike, sidomos gjatë këtyre ditëve të izolimit.

Të gjithë ata që janë të interesuar të bëhen pjesë e projektit “Karantina me Ngjyra”, t’i dërgojnë punimet e tyre në: info@galeriaqahili.com.

Karantina me ngjyra në kuadër të Galerisë Qahili zgjatë deri më 01.06.2020.

  1. Nagip TaipiMozaik – “Portreti i aktorës tonë Leze Qena, tashmë të ndjerë. E kam punuar në kohë karantine, me qëllimin se në kohën kur ajo iku nga kjo botë, mu duk se iku në heshtje pa iu dhënë respekti që ajo e ka merituar.”
  2. Betim Lajqi – Vaj në pëlhurë – Perspektiva
  3. Diart Islami – Punim dixhital
  4. Arbesa Vishi – Vizatim – “Ky është punimi dhe fotografia e nipit tim e realizuar në kohë karantine ku kam dashur që të realizoj punim prej të cilit inspirohem dhe e bëj me shumë dashuri.”
  5. Blerta Zabërgja – Punim dixhital – “Nana Natyrë” – “Vetë natyra. Kam vendos ta paraqes në formë të femrës qëllimisht për ngritjen e vetëdijesimit ndaj femrës, si gjini ma e shtypur, por edhe më shumë për ngritjen e vetëdijesimit ndaj natyrës, që po e shkatërrojmë çdo ditë e më shumë.”
  6. Elmedina Salihu – Punim dixhital – “Ne harrojmë ndonjëherë të dhurojmë lule pasi që nuk e mendojmë atë që gjithçka mundë të jetë ndryshe nga çka ishte, brenda një sekondi. Mospranimi në një mënyrë ndoshta, nga frika na bën të mos mendojmë për atë që ne ose ata që i duam mund të ikin tani në këtë moment. Ne vrapojmë shumicën e kohës me atë mendimin që t’i arrijmë gjërat e të dijmë si të mendojmë por pikërisht atëherë kur ndalemi së vrapuari, ne shohim gjërat qartë, pikërisht atëherë kur jeta na godet  këmbët, ne shohim që ajo që duam dhe e vërteta është pikërisht aty ku jemi. Mbase këtë e shohim vonë, ndoshta ishim larg ato ditë nga ata që i duam ndoshta ishim të hidhëruar, ndoshta do të jemi unë dhe do jesh ti ai ose ajo që do e marr një virus që është shfaqur me 10 dhjetor në Kinë dhe tani në gjithë globin duke marrë jetën e qindra njerëzve. Në pamundësi të ndonjë krijimi më të madh, me këtë mini grafikë dua të përkujtoj 22 viktimat e këtij virusi në Kosovë dhe dua që ky grafik të jetë përfundimi, të mos jetë as edhe një viktimë tjetër. Në këtë gjendjen ne nuk mund të dhurojmë lule për të dashurit tonë, unë dua që kjo mënyrë të jetë solidaritet dhe nëse ata smund të dhurojnë lule dua të bëjë unë. Pas kësaj dhuroni sa më shumë lule.”
  7. Fjollë Ramadani – Akrilik në pëlhurë – “Natyrë e Ndaluar” – “Perdja tregon se e kemi të ndaluar shëtitjen në natyrë, ndalesë e cila është për të mirën tonë këtë herë.”

Subscribe for latest news!

Copyright © Galeria Qahili / Privacy Policy